{ .. ولـ يآكبــــــــــر القهــــــر

.

.

ولـ يا كبر القهر لا صار مـا باليـد حيلـه
و الجروح من القرايب و الخطا مني و فينـي!!

ان نويت اشفي غليلي ما لقيت ايـة وسيلـه
كيف ابلقى دام جرحي سبته طعنة يمينـي ؟!

وان نوت تبكي عيوني صارت الدمعه بخيله !!
كبرها لامن تجمع هم قلبـي و هـم عينـي

ياهمومـ[ن] بي تعـدت حدها صـارت ثقيلـه
اخذي مني كم سؤال ولو سمحتي جاوبينـي

ليه من بعد الوفا و الطيب و فعـولـ[ن] جليلـه
من يدين اللي حشمته اول عونـي تجينـي؟؟

وليه لا ضاق الفضا في عين من خانه دخيلـه
مالقيـت الا الملامـه انتهيهـا وتبديـنـي ؟!

يا همومي يا جروحي يا صدى الـروح العليلـه
والله ان الظلم قهره قيّـد لسانـي ويدينـي !!

يوم قيل اظر حسودك زاد فـي قولـه وقيلـه
ما طرالي غير قولت آآآخ يا دنيا ارحميني

ان تكلمت و حكيت و جبـت برهانـي ودليلـه
ما تضرر كود منهو قـد لفانـي منتخينـي!!

وان سكت و قلت هانت هـم و سنينـي تزيلـه
اكتشفت ان السنين تزول والهـم محتوينـي!!

بس لجل اللي انتخى في جد جـدي و القبيلـه
والله اني لاشرب المر و اتحمل مـا يجينـي

ودام ما بالكون صدر[ن] ارتمي به واشتكيله
ودام مابه عين تقرى حزني اللي مبتلينـي!!

ما لي الا بيت شعر[ن] اذكره في كـل ليلـه
لا انتهى جدال المعاتب بين قلبي و بين عيني

{ .. ولـ يا كبر القهر لاصار ما باليد حيلـه
والجروح من القرايب و الخطا مني و فيني ..}

.

.

كلمآآت رووعه بس الخط صغنووون
تحياتي لك